“Azərbaycan Həkimlər və Təbib Tələbələr” İctimai Birliyi (AzerMDS) 2005-ci ildə Azərbaycanda IFMSA-in (Beynəlxalq Tibb Tələbələri Assosiasiyaları Federasiyası) tərkibində təsis edilib. IFMSA (International Federation of Medical Students` Associations) bütün dünya tibb tələbələri assosiasiyalarının müstəqil, qeyri- hökumət və qeyri-siyasi federasiyasıdır. 100 ölkədən 102 milli təşkilat bu federasiyaya tamhüquqlu üzvdür və dünya üzrə 1 milyona yaxın tibb tələbləsini təmsil edir.
2004-2006-cı illərdə IFMSA-da namizəd üzv kimi fəaliyyət göstərmişik. 2007-ci ildən bu federasiyanın tamhüquqlu üzvüyük. 2007-ci ildə “Azərbaycan Həkimlər və Təbib Tələbələr” İctimai Birliyi Azərbaycan Republikasının qeyri-hökumət təşkilatı kimi qeydiyyata alınıb. Azərbaycan Respublikasının daxilində 4 universitetdən 100-ə qədər tələbə bizimlə əməkdaşlıq edir:
Azərbaycan Tibb Universiteti
Odlar Yurdu Universitetinin Tibb fakültəsi
Azərbaycan Beynəlxalq Universitetinin Tibb fakültəsi
Xəzər universitetinin Tibb fakültəsi
AzerMDS-in Vəzifəsi
AzerMDS-in vəzifəsi Azərbaycanlı həkimlərin və təbib tələbələrin yüksək ixtisaslı mütəxəssis kimi yetişməsinə, səhiyyə və ictimai sağlamlıq problemlərinin həllində aktiv iştirakına dəstək olmaqdır.
AzerMDS-in Məqsədi
Azərbaycanın gənc həkimlərinin və təbib tələbələrinin milli və qlobal səviyyədə ictimai sağlamlıq işlərində iştirak etməsini təmin etmək
Sağlamlıqla bağlı problemlərdə gənclərin fəallığını artırmaq
Sistematik olaraq gəncləri, xüsusilə də regionlardan olan gəncləri müxtəlif layihələr daxilində sağlamlıq haqqında məlumatlandırmaq
Xarici ölkələrdə gənc həkimlərin və təbib tələbələrin elmi və professional mübadiləsinə imkan yaratmaq
IFMSA daxil olmaqla beynəlxalq tibbi təşkilatlarla əməkdaşlıq etmək
Gənc həkimlər və təbib tələbələr üçün səhiyyə sistemində və tibb elmində olan yenilikləri işıqlandırmaq
Qərbin tibb təhsili sistemi və tədris planının üstünlükləri ilə Azərbaycanın gənc həkimlərini və təbib tələblərini tanış etmək
Gənc həkimlərə və təbib tələbələrə beynəlxalq elmi və professional tibbi təşkilatlar haqqında məlumat almaq və onlarla əməkdaşlıq etməyin yollarını izah etmək
Gənc həkimlərə və təbib tələblərə ixtisaslarının düzgün seçilməsində yardım etmək
AzerMDS-in strukturu
İctimaiBirlik Azərbaycanda bütün tibb tələbələri və gənc həkimlərlə fəaliyyətə açıqdır. AzerMDS-in üzvləri, əsasən Azərbaycan Tibb Universiteti və üç özəl universitet tələbələrindən təşkil olunmuşdur. AzerMDS-in idarə heyəti müxtəlif sahələrdə layihələr icra etmək üçün IFMSA-nın prinsiplərinə əsasən daimi komissiyalar yarada və hər il keçirilən toplantıda bu komissiyalara milli koordinatorlar seçə bilər.
Fəaliyyətimiz
6 Oktyabr 2007-ci il. “Müasir təbabət, çoxmu uzaqdayıq?” mövzulu konfrans və Azərbaycan Tibb tələbələrinin 1-ci forumu. 200 –dən çox tələbənin iştirakı ilə keçirilən tədbirdə müasir tibb təhsili, xaricdə təhsil imkanları, tibb təhsilində müasir metodlar haqqında çıxışlar oldu. Xaricdə təhsil alan, beynəlxalq rezidentura imtahanlarında yüksək nəticələr göstərmiş tələbələr və həkimlər, xarici klinkalarda çalışan Azərbaycanlı həkimlər maraqlı təqdimatları ilə tələbələrə bu imtahanlar, təhsil və səhiyyə sistemləri haqqında məlumat verdi.
Azərbaycan Tibb tələbələrinin 1-ci forumu
Tələbələri müasir təhsil proqramları və metodları ilə tanış etmək. O cümlədən, Boloniya prosesinin tibbdə tətbiqi və onun tələbələrimiz üçün əhəmiyyəti.
Nəticələr bizə belə bir fikrə gəlməyə əsas verdi ki, tibb təhsili sistemində göstərilən sahələr üzrə işlər təkmilləşdirilməlidir.
İştirakçıların sayı – 120 nəfər.
Ümumdünya AIDS-lə Mübarizə Günü
2007-ci il Noyabrın 23-dən başlayaraq Dekabrın 1-nə kimi Ümumdünya AIDS-lə Mübarizə Gününə həsr olunmuş tədbirlər keçirildi. Bakıda 5 universitetdə tələbə və gənclərlə maarifləndirici görüşlər təşkil olundu, Azərbaycan Premyer Liqasında futbol matçı, internetdə forumlar və media bizim fəaliyyətimiziişıqlandırdı.
Nəticələr bizə belə bir fikrə gəlməyə əsas verdi ki, Azərbaycanda gənclər AIDS-in profilaktikası və test üsulları barədə kifayət qədər məlumata malik deyillər və gələcəkdə də bu yöndə maarifləndirməyə ehtiyac var.
İştirakçıların sayı – 2000 nəfər.
“Tibb Təhsilində Yeniliklər” adlı aylıq bülletenin hazırlanması. Hazırladığımız ilk bülletendə İFMSA və EMSA (European Medical Students’ Association) tərəfindən təşkil edilən Bolonya prosesinə həsr olunmuş 3-cü simpoziumun yekunu olan Bolonya bəyənnaməsi və Tibb Təhsili məqaləsini təqdim etdik. İkinci bülletenimizdə isə “Education and Health” jurnalından tibb təsilində müasir tədris metodlarını əks etdirən məqalələrin xülasələrini təqdim etdik.
“Tibb Təhsilində Müasir Standartlar” layihəsi, 2008. Bu layihəmiz “Azərbaycan Respublikası Prezidenti Yanında Qeyri Hökümət Təşkilatlarına Dövlət Dəstəyi Şurası” tərəfindən dəstəkləndi və bu layihə çərçivəsində ilk 2 görüş "Gənc Həkimlər və Tibb Tәlәbәlәrinin" Azərbaycanda tibb təhsilinin inkişaflı ilə bağlı təklifləri'nin hazırlanması üzrə keçirildi.
1-2 Noyabr 2008-ci il tarixlərində isə Azərbaycan Tibb Universitetində Tibb Təhsilində Müasir Standartlar” mövzulu II Konfrans təşkil olundu. Konfransda tibb təhsilində Bolonya prosesi, qlobal standartlar və müasir öyrənmə metodları haqqında çıxışlar oldu. Tədbirdə həmçinin Almaniyanın Heidelberg universitetindən və Türkiyənin Hacettepe Universitetindən dəvət olunmuş mütəxəssislər müasir təhsil sistemləri, innovativ və interaktiv metodlar, Tibb Təhsilində keyfiyyətin öyrənilməsi və artırılması metodları haqqında məlumat verdi. Sonda isə "Gənc Həkimlər və Tibb Tәlәbәlәrinin" Azərbaycanda tibb təhsilinin inkişaflı ilə bağlı təklifləri qəbul olunaraq dövlət strukturlarına, univeristitet rəhbərliyinə və səhiyyə nazirliyinə təqdim olundu.
